Langt síðan maður hefur hellt úr skálum reiði sinnar hér á veraldarvefnum. Um að gera að láta þetta ekki safnast upp. Margt er að hata þessa dagana en þar er skólinn og flest honum tengt efst á lista. Það sætir svo sem ekki furðu þar sem að prófin nálgast óðfluga en þó leynist alltaf eitthvað óskóla hatur þarna á milli svona fyrir þá sem vilja sem minnst um skólann heyra.

Ég hata:

- Tölfræði
- Próflestur
- Rauðhærða gaurinn í Þjóðhagfræði
- Gengið (þegar það mætir)
- Þegar Afturelding tapar
- Íþróttameiðsli (sér reyndar mögulega fyrir endan á þeim)
- „Allt fyrir klobbann“ Fótboltakrú
- Slyddu (fínt mál með snjóinn og rigninguna en millibilið er helvíti)

Ég vil svo að lokum biðja ykkur um að muna vel og hafa í heiðri orð góðvinar míns hans Feitilíusar Nammi „Djöfull er gaman að hata!“

Getum svo bætt við ágætis kvóti frá Dexter Holland: „Being positive is so uncool“

Ironman hlustar á Offspring - Cool To Hate

Eddan var í kvöld. Ég fylgdist ekki með því vegna þess að mér finnst þetta óspennandi, rétt eins og Óskar stóri bróðir Eddunnar er. Ég spurðist nú samt sem áður fyrir um sigurvegara og eitt atriði sló mig soldið þar. Veðramót fékk bara 1 verðlaun. Hún var tilnefnd til 11 verðlauna og hefur fengið mjög góða dóma í fjölmiðlum. Mér þótti myndin einnig vera gríðarlega góð og alveg laus við þetta asnalega dæmi sem einkennir oft íslenskar myndir. Enginn kjánahrollur eða neitt. Undarlegt mál svo ekki sé meira sagt.

Af mér er það að frétta að ég farinn að skrifa handboltafréttir á Afturelding.is. Er algjör vitleysingur og kann ekki að breyta letrinu. Það er frekar hvimleitt verð ég að segja. Sérstaklega þar sem að ég eyddi hálftíma í að stúdera kerfið í vikunni. Svo er ég þunnur og svo steiktur að ég get engan veginn einbeitt mér að neinu. Fjör að vera fullur(broskall)

Ironman hlustar á Boysetsfire - Falling out theme

 26. Janúar

Takið daginn frá! Það má endilega fylgja með að þetta er ekki bara eitthvað hype eins og 16. mars. Fyrir þá sem muna eftir þeim degi ennþá.

Ironman hlustar á Incubus - Here in my room

Lítill fugl að nafni mæspeis hvíslaði því að mér að glysrokkararnir í Skid Row væru á leið til landsins. Samkvæmt speisinu þeirra þá eiga þeir að spila 1. desember á Nasa. Ég held að þetta sé eitthvað sem okkur ber skylda til að sjá þó það sé nú ekki nema bara fyrir nostalgíuna. Kannski er ég bara svona spenntur vegna þess að ég hef ekki farið á tónleika í háa herrans tíð. Ég hallast samt frekar að því að það sé vegna þess að kapparnir séu feitur biti. Nú er bara að vona að þessar upplýsingar mínar reynist réttar svo að ég líti ekki út eins og auli. Þessar upplýsingar verða þó að teljast ótraustar þannig að ég bíð eftir að mogginn staðfesti og þá erum við góðir.

Til þess að Megadeth hneykslið endurtaki sig ekki þá ætla ég að biðla til ykkar drengja um að koma með mér því að það er ekki það skemmtilegasta í heimi að hlusta á nöldur yfir því að ég hafi ekki látið ykkur vita. Nægur er fyrirvarinn í þetta skiptið og duga því engar afsakanir. Nema kannski einhverjar góðar.

 Ironman hlustar á Skid row 18 and life

„Expecting life to treat you well bacause you are ao good person is like expecting an angry bull not to charge you because you are a vegetarian"    
Shari R. Barr

 Ironman lærir fyrir próf

Eitt mál hefur vakið forvitni mína af værum blundi síðustu daga það eru svefnvenjur skólafélaganna. Ekki það að ég sé að missa svefn yfir þeim, alls ekki. Það er nefnilega þannig að margir sofna uppá hvern einasta dag í skólanum. Að vísu bíður háskólabíó með nýju sætunum uppá kjör aðstæður til svefns, fína mollu og mjúk sæti. Það útskýrir þó ekki hvernig menn geta sofið í gegnum tímana óháð því hver er að lesa yfir þeim. Skiljanlega sofnar fólk þegar herra rólegheit talar í hægðum(ekki þeim hægðum sem þú heldur) sínum um eitthvað sem er svo leiðinlegt að þig langar frekar til þess að lesa tölfræði bókina þína eða horfa á málningu þorna. Það skil ég mæta vel. En hvernig fullorðnir menn sem segjast sofa 8-10 tíma á dag fara að því að sofa af sér tímana er mér á huldu. Sjálfur hef ég yfirleitt ekki verið neinn engill í þessum málum og sofnað á hinum ýmsu stöðum óháð því hvað sé þar í gangi en því hefur ég yfirleitt getað útskýrt með þreytu eða svefnleysi. Þá hef ég það sem fasta reglu að fara úr skónum til þess að koma í veg fyrir svefn í tímum. Því er hins vegar ekki að skipta hjá mínum skólafélögum, Magnúsi og Jóhanni.

Svefnþörf Jóhanns hefur meira að segja keyrt svoleiðis um þverbak að við sáum okkur þann kost vænstan að gera rannsókn á svefnvenjum hans. Hann hefur nú afrekað það að sofna í nánast öllum tímum hvort sem þeir heitir bókhald eða Stærðfræði. Það þykir mér einnig mesta furða að honum virðist nákvæmlega sama um það sem hann missti af, sem reyndar er yfirleitt ekki mikið. Aðspurður segist hann bara þurfa sinn svefn og að ekkert sé óeðlilegt við hans svefnvenjur. „Maður verður nú að sofa“ sagði hann meðal annars í dag. Það er farið að læðast að mér sá grunur að afríska svefnveikin grasseri í skólanum, því Jóhann er nú alls ekki sá eini sem sefur af sér tímana, og að einn daginn muni þessir menn einfaldlega sofna svefninum langa.

Samrannsakandi minn hann Magnús er svo heldur ekki barnanna bestur í þessum málum, því að hann sofnaði meira að segja ofan í rannsóknargögnin okkar mikilvægu í gær. Dass af hræsni í þessu öllu saman hjá kallinum. Honum er nú samt vorkunn þar sem að nánast helmingur nemenda steinsvaf. Þess vegna varð mér hugsað til þess hvort að ég sé sá sem er óeðlilegur að sofa ekki eða hvort að hið óvenjulega sé að sofa? Hvað finnst ykkur sofið þið af ykkur tímana heima, í skólanum eða bara vakið?

Ironman í hugleiðingargír 

Löngu tímabært rokkarapartý fer í hönd á morgun föstudaginn 5. október. Rokkarapartíin eru löngu orðin klassísk en af einhverjum ástæðum hefur eitthvað staðið á þeim síðustu árin. Þessar samkomur draga fram allt það besta sem kemur áfengi við. Ælur, trúnó, erfiði og þar fram eftir götunum. Varla þarf að minna menn á massabolagleðina góðu eða þegar Ólafur Haugur fékk ísmola inná sig.Yngvalíus Gunga hefur ákveðið að nýta tækirfærið á meðan hann er einn heima og halda partí fyrir okkur fíflin.

Það má með sanni segja að eftirvæntingin sé í hámarki og hefur heyrst að sumir ætli að byrja gleðina strax í hádeginu á föstudag(nefni enginn nöfn)og aðrir séu fullir í þessum skrifuðu orðum. Sögur herma að miklar æfingar hafi staðið yfir síðustu daga, því ekki vilja menn að vanti á drykkjuþolið á morgun. Ég hef t.d. öruggar heimildir fyrir því að Yngvi hafi ekki mætt í skólann síðan á þriðjudag vegna anna í drykkju. Þá hefur Sigurjón þóst vera í útlöndum með fjölskyldunni en það fréttist af honum rorrandi fullum á hornströndum þar sem að sögn innfæddra er ekkert annað að gera en að drekka. Þar hefur drengurinn haldið til ásamt tunnu af landa og unað sér að sögn vel. Það er því vonandi að 10 daga strangar æfingar skili sér í mikilli gleði.

Sjálfur ætla ég að vera erfiður, hlusta á mikið rokk og pissa á almannafæri.

Einnig má endilega skjóta því hér inn að á morgun er handboltaleikur Aftureldingar og Íbv sem átti að vera í kvöld. Þykir mér því tilvalið að við drengir hittumst á leiknum og styðjum okkar lið til sigurs sem aldrei fyrr. Jafnvel taka forskot á sæluna og hittast fyrir leik. Það veitir ekki af því að væta aðeins okkar annars ómþýðu kverkar fyrir leik. 

Ironman þykist vera að læra og hlustar á Blind Melon - Three is a Magic Number

Skólinn er hafinn ef það hefur farið framhjá einhverjum. Ég er þessa dagana að snúa aftur eftir leyfi frá námi og verð að viðurkenna að það tekur bara nokkuð í. Það er kannski eðliðlegt þar sem að það er ekki allra að sitja í þriggja tíma fyrirlestrum, hlusta á fræðimenn muldra um það sem þeir elska heitast og þykjast glósa með tómt blaðið fyrir framan sig. Innan um þrjúhundruð manns í sömu pælingum. Þriðja daginn minn(í dag) tókst mér þess vegna að dotta í tíma í nýuppgerðum sal háskólabíós. Sætisfélaga mínum þótti það fyndið og mátti til með að vekja mig.

Merkilegt hvað miklu manni tekst að gleyma þegar reynir aldrei á heilann. Ég á að vera búinn að læra mest af þessu námsefni sem ég er í áður en samt finnst mér ég bara standa á gati. Kannski ekki nema vona eftir vinnuna í íþróttahúsinu að höfuðið skuli ryðga svolítið. Lítið eitt sem heldur manni gangandi eru fögur fyrirheit um djamm/fyllerí/rugl hverja einustu helgi vetrarins. Eins og alltaf sé hægt að líta á næstu helgi sem einhverskonar ljós í enda myrkra ganga. Það er kannski tilhugsunin um helgina sem fleytir fólki áfram í náminu, ekki veit ég þá hvað fólkið sem lærir um helgar gerir. Langar varla að vita.

Eitt í viðbót, þeir sem kannast við Óla Garðar ættu að gleðjast því hann er með mér í hagfræðinni geðveikari en nokkru sinni fyrr. Mig hrillir í hvert skipti sem ég sé mannin hvað þá þegar hann yrðir á mig.

Ironman hlustar á Tool - Right in two 

Dömur mínar og herra það er komið að því. Hið mikla og epíska fyrirbæri sem minesweeper er verður fært yfir á hvíta tjaldið. Óteljandi klukkutímum hef ég varið í það eitt að afmarka sprengjur til þess eins að vera með betri tíma en þið. Það hefur gengið ágætlega hingað til þó svo að hraðinn hafi minnkað eylítið á síðari árum. Enn þanna dag í dag fer fólk sem á betri tíma í hard verulega í taugarnar á mér. Sá fyrirvari þarf reyndar að vera á því að ég treysti viðkomandi vegna þess að hægt er að svindla og stoppa tímann.
Tilgangsleysi leiksins er algjört en þó tekst honum að vera svo gríðarlega ávanabindandi. Margir hafa spilað leikinn þangað til að hann hefur ásótt þá í draumaheimi sem og raunheimi, undirritaður meðtalinn. Myndinni tekst án nokkurs vafa að koma þessu öllu saman frábærlega frá sér og vil ég benda áhugasömum á þennan kyngimagnaða trailer:

http://www.destructoid.com/minesweeper-the-movie-37770.phtml

Ironman hlustar á Tool - Sober eftir erfiða helgi

Jæja kannski soldið seint en betra er seint en aldrei eins og maðurinn sagði.

 1. Only the good die young - Iron Maiden

 2. Eulogy - Tool

 3. Hollow - Pantera

 4. Angel's son - Snot 

 5. Hear you me - Jimmy eat world

 6. To live is to die - Metallica

 7. Minning um mann - Logar

 8. Tears in Heaven - Eric Clapton

 9. After the Euology - Boysetsfire

 10. Stairway to Heaven - Led Zeppelin (Frumlegi gaurinn)

Með lof um bót og betrun kveður Magnússon 

Jæja eins og þið kannski vitið þá er eignuðumst við sigrún litla stelpu á laugardaginn 070707... dagsetning sem enginn gleymir. Þar sem þið hafið ekki fengið að bera hana augum ennþá þá setti ég nokkrar myndir inn á netið, á slóðina www.hi.is/~sim3.

Djöfull er leiðinlegt að þurfa að skrifa blogg um ófarir KR á hverju sumri. Ég er orðinn hundleiður á þessu helvíti. Ekkert gengur hjá milljarða liði og enginn virðist hafa nokkra lausn. Rúnar getur ekki einu sinni rifið þetta upp, þá held ég að sé fokið í flest skjól. Svo segir heitur Teitur bara að það sé ekkert að, þeir séu bara óheppnir. Þýðir víst lítið að væla endalaust og gefa KRhöturum tækifæri til að láta illa. Því læt ég staðarnumið hér.

Að öðru öllu skemmtilegra máli. Þannig er mál með vexti að Andrés Ásgeir er væntanlegur á heimaslóðir eftir Danmerkur ævintýri sitt. Hann stefnir að sögn á glæsta endurkomu og segist aldrei hafa verið í betra bjórformi. Hvað sem að því líður munum við félagar líklegast bralla ýmislegt misjafnt og vonandi mun það ná mér uppúr þessu KRvolæði(ég er reyndar ekki í nokkrum vafa um að það muni gerast).

Pistill dagsins verður ekki lengri að þessu sinni sökum reiði og vonleysis. 

Ironman hlustar á Boysetsfire - Suckerpunch training 

Sólskin, sund, fótbolti, rokk, xbox, bjór og skjóta kríur. Gerist ekki mikið betra.

Stig í steiktukeppninni - Ætli albínóar séu með hvít punghár?

AC Milan

eru meistarar

 Vilt þú læra að dansa eins og meistari?

Þá er ekkert annað að gera en að horfa á kennslumyndbandið mitt um hvernig þú getur eignað þér gólfið og verið miðpunktur alls / verið hrókur alls fagnaðar.

 http://youtube.com/watch?v=zkd295v4Hwk

ps. Afsakið, en ég gat ekki setið á mér og gerði eitt myndband enn þó ég hafi sagt að ég væri hættur.  

Kv. Addi Dance Mastah